梁芷珊YouTube訪問何君堯談笑風生 – 自爆兩人曾共事4年讚何君堯是「藍絲頭號偶像」

36990

才女梁芷珊近日在YouTube開Channel「沒有不可告人的秘密」,昨晚首播搵了何君堯做嘉賓,芷珊指兩人曾共事4年,當年大家都是香港足球總會董事,開播前芷珊在fb寫道:「今日的何君堯是藍絲頭號偶像,更在2019 Google Trends (香港)熱搜榜中力壓林鄭月娥長踞榜首。而我決定開Channel,在此香港重要時刻,負起時代予我之責任,製作節目、散播訊息,冀在黃色生活圈中扶持同路人。」

惟節目出街後,芷珊惹來大批網民留言抨擊,批評她談笑風生態度有問題,似為「何已完」洗白:「之前好like你,但你訪問呢個人渣,好失望」、「而家唔係黃藍嘅問題,係黑白呀,721佢做咗咩好清楚啦,點解仲可以同d咁嘅人談笑風生?」、「哈哈,成個訪問就好似畀人信息:其實何妖都有另外一面。」、「睇呢集,想幫何妖洗白,為博收視食人血饅頭,對唔對得住721被打嘅香港人」、「嘉賓連狡辯一詞都不是,純粹發音當道理,難得才女有耐性,但依然Like唔落,心情唔好嘅觀眾慎入。」、「變成左膠訪談,清談節目咁。」

今次梁芷珊訪問何君堯令好多網民失望,而曾邀請梁芷珊上自己網台節目《CEO會客室》做嘉賓的杜汶澤,則以短訊回覆《蘋果》:「No comment , unfriend」!

究竟梁芷珊為何弄巧反拙,激嬲網民和阿澤呢?可能就是因為芷珊全程讓「何已完」自說自話,沒有直斥其非吧!

節目開首,梁芷珊交待兩人的「關係」,說:「我哋做過4年同事,雙雙成為足總董事,成日一齊開會,我哋有段時間冇見,我一直以嚟對你印象,你正常嘅時候其實好正常,哈哈哈。」其後談到逆權運動話題時,梁芷珊問道:「對抗好漫長,有冇機會互相說服對方?」何君堯說:「呢件事冇話我絕對啱晒同錯晒,而家我堅持自己立場,可能將來多啲資料出嚟,可能仲有驚天大陰謀咁又唔同,呢刻我認為自己資料啱。」

之後何君堯講到黃藍對立,竟自大地認為十個成熟人裏面,有七、八人是支持他:「另外,如果你叫我藍的話,對面嗰啲咪黃,佢哋黃嘅認為呢刻佢哋啱,但到咁上下過咗,情緒同睇法平服咗,睇嘢客觀啲,有啲嘢我明白你,所以時間會洗禮,但係呢刻有三點我好堅持:第一,呢個係顏色革命,第二,年輕人十個有九個唔係好喜歡我或恨我,但成長啲嘅人,十個裏面大約有七、八個喜歡我,以年輕人嚟講,呢四個月因為逃犯條例用暴力引伸風暴,一少撮人好似傳染病,佢哋畀差人捉時好無奈,以前勇猛好鬼團結好似當遊戲war game,第三係教育問題。」

梁芷珊反駁:「我就完全唔同意,我第一次接觸90後嘅年輕人,十幾年前,好多足球員十幾廿歲,見到班o靚仔開會點解咁識策略,好快知道佢哋係打機大,有日畀佢哋落到球場好勇猛,今次有人覺得小朋友好叻,無論勇氣同謀略,當然唔係每件事都係,香港人安穩慣,佢哋玩war game大,好多係中國遊戲,香港突然出現呢個情況,和理非同抗爭者,我哋呢邊覺得佢哋做嘅嘢另眼相看。」



來源:LIHKG

以上內容皆為轉發,資料未經確實,只供備份參考。上述內容並不代表本站立場