【還佢地一個清白】「和你Drink」店面負責人親自回覆

132

TLDR: 「和理Drink」非人血饅頭

而「和理Drink」店面負責人已透過佢本人Facebook account作出回應,但由於和你Drink店長冇連登Account,所以我都想幫佢將回應放上黎,還佢同佢地嘅手足一個清白。以下係店面負責人係「巴打鮮果」Facebook page嘅回應(原文copy):

老闆你好,我是「和你Drink」店長,首先想向你說一聲抱歉,應承咗你最後一日叫口號但最後無一齊叫,實在抱歉。
因我沒有連登戶口,試過註冊又話我電郵不接受,所以沒法在連登給你解釋
以下是事情的來龍去脈,有點長,如你仍想讀下去,請一看
我開「和你Drink」本意並非為賺錢,只係有個朋友A願意用一個優惠額租給我,讓我找一個方法造就一些工作機會給年輕人
我本身不是做餐飲業,到現為止亦不打算往後會做這行業
另一位朋友找來了一些需要找工作的年輕人,他們大都曾發夢,亦有一位曾被捕現時處於保釋期
早於展覽第二日你的同事已來通知希望在最後一天6:00一齊叫口號,我當時覺得沒大不了,所以回應可以一齊叫口號
到展第四日,我打算帶喇叭返去播榮光,播完叫口號,所以第四日晚我向租攤給我朋友A問可否播歌,他已猜到我的用意,說不能在場叫口號,也不可以播敏感的歌,會違反TDC規則。給我攤位的A有個拍檔B,也在場一齊開食檔,B才是真正承擔了十個攤位的大戶,只是朋友A說要其中一個檔口然後再租給我,B長年都是靠參展一家大小吃飯
若我違反規則,我沒甚麼後果的,因我本身就不是做飲食為生,不再做展完全影響不到我,但就會令拍檔B可能不能再參展,影響到別人一家生計,到此我開始諗還是不叫口號較好,免連累原本幫助我嘅人
另一方面,員工之中有保釋中的,若到時叫完口號還有其他事發生,就會害到這位同事
到第五天,我仍在觀察現場情況,如不被TDC發現及情況安全我都會叫口號的,到5點半同場有黃店通知現場有便衣狗及樓下有狗,就似一早已經知道6:00將會有事發生,當時我就決定不叫口號,始終同事安全最重要,也不能影響拍檔B一家生計,奇怪地6:00前一刻果然有攝影機拍攝對住我間店拍攝,當刻我知道沒叫口號是正確決定,至少保住了同事安全及別人一家的生計
沒法及時通知你我不一齊叫口號實在抱歉。
謝謝你優惠價賣水果給我,你的水果品質很好;替我換散銀也解決我不夠散銀找續的燃眉之急,雖然我們應該不會再在展場碰面,不過也慶幸在短短幾日中遇過的每一位同路人。

對於「和你Drink」店面負責人嘅回應我地接受,同時亦都明白你地嘅難處。我地作為黃圈嘅商戶賺唔賺錢事小,出賣同欺騙香港人事大,所以我地當時見到呢個情況都好愕然同敏感。我地都為琴日因為係連登開post而對你同手足造成任何困擾,我地向你講聲對唔住,因為我地想你對香港人有番個交付。

而會展有便衣同埋有狗車、防暴係會展匿埋左呢件事我地都一早知道,如果你鋪頭近出入口直情會見到便衣狗

繼續叫口號只係想表達我地對極權係唔會屈服。同時我地都好多謝琴日有份同我地一齊大叫光復香港.時代革命嘅香港人,多謝你地。

交代完畢之後,請大家記得一月一,維園見


來源:LIHKG

以上內容皆為轉發,資料未經確實,只供備份參考。上述內容並不代表本站立場