「美女」網上屈人請食飯 5個鐘走11轉分佣

13735

「美人計」大家聽得多,但原來現在不是「美人」都隨時設局劏到你一頸血!最近有人在交友App識到一個「美女」,個女仔話失戀要對方陪食飯。點知個女仔出到嚟,同張相「完.全.唔.同.樣」!都算,佢仲食得15-25分鐘就話走,令男方比咗錢都冇嘢食,自然嬲到爆啦。

香港蘋果嘅記者明查暗訪,發覺個女仔喺五個鐘之內竟然約咗11個男人,有9個人都肯同佢食飯,個女仔明明上過間舖勁多次都會扮哂嘢係第一次去,話咩「咦?點解係髮型屋嘅,唔知間餐廳係咪喺樓上呢?」,十分好戲。

件事擺到上連登,唔少人都好佩服點解啲男人見到個「少女」咁嘅樣都同佢食得落飯,直言「怪獸嚟㗎喎」、「違反商品說明條例」、「有冇人報食環?」。