台女哭訴:當學人精係好姐妹點知被搶男朋友!

262

學人精真係史上最乞人憎嘅生物!最恐怖係,佢除咗學你之外,仲分分鐘想搶埋你男朋友!

台灣有個女仔喺大學識咗個好摺,唔識打扮嘅同學。當樓主識到男朋友之後,樓主第一時間介紹男朋友比呢個「好姐妹」識。結果,呢個好姐妹突然又話好想識男朋友,所以要樓主教佢扮靚化妝。天真嘅樓主當初仲真心想教佢幫佢,甚至唔理男友搬出去陪個好姐妹住。

結果,個好姐妹同樓主越嚟越似,似到離哂譜搞到樓主都開始驚。衫、妝、指甲、房間佈置似,樓主都算,最多係因為潮流姐。結果,IG啲POST都要抄。樓主PO啲乜佢又PO,可能係內容、FILTER、甚至表情動作。

最變態係,樓主鐘意啲乜,個好姐妹明明本身唔鐘意都會話自己鐘意!連樓主食嘅嘢都要跟!!!最不可思議嘅係,樓主要PART-TIME幫補家計,明明個好姐妹屋企環境唔錯都跟佢一樣返補習⋯⋯真係TMD SO CRAZY!

最後嘅爆發點終於嚟喇。樓主買新香水噴,結果樓主男朋友都話好鐘意。點知個「好姐妹」再抄佢!好喇,冇幾耐,有次大家一齊出去RE-U,完場後個男朋友忍唔住同樓主告白道歉,原來個好姐妹竟然已經同佢男朋友啪啪啪咗。

男朋友解釋話,係因為當時樓主太忙,咁個好姐妹又勁主動,又勁似樓主,佢先會一時鬼掩眼同咗「肯陪佢」嘅A上床⋯⋯ 但係,樓主一諗到當時男友聞住陣香水味上床都唔知諗緊邊個時,佢就忍唔到,一定要同男友分手⋯ 只可以話,啲學人精係賤,啲男人都係蠢過隻豬!