【幫你開年】鸚鵡咬爛一千蚊利是,網友求救咁樣拎去銀行有無得換? - 連登仔崩潰:「想殺X咗隻雀」

351

收到大利市梗係,不過點收埋啲利市都係好重要。有網民就係網上面話,屋企隻鸚鵡咬爛左張1000蚊金牛利市!斷開成兩半不得止,仲有部分咬成紙碎,真係陰公豬,嚇到佢即刻出post求救,「咁樣拎去銀行有無得換?」樓主既慘痛經歷引起大批網民討論!建議樓主「執埋啲碎砌埋佢,呢幾日有嘢做可以砌圖」。

根據金管局網上既資料,紙幣只要經過銀行檢驗確定係真鈔,損毀面積少於25%,防偽特徵仍然完整,仲係可以換返張完整既紙幣既。

有網民分享一封千元利市被鸚鵡咬爛,十分憤怒,後來以「砌圖」的方式還原鈔票。(連登討論區)

張一千蚊被鸚鵡咬到咁,你都米話唔嬲!

有網民分享一封千元利市被鸚鵡咬爛,十分憤怒,後來以「砌圖」的方式還原鈔票。(連登討論區)
有網民分享一封千元利市被鸚鵡咬爛,十分憤怒,後來以「砌圖」的方式還原鈔票。(連登討論區)
有網民分享一封千元利市被鸚鵡咬爛,十分憤怒,後來以「砌圖」的方式還原鈔票。(連登討論區)
涉事鸚鵡似乎毫無悔疚之心。(連登討論區)
涉事鸚鵡相當招積。(連登討論區)
由於十分憤怒,樓主對鸚鵡做出粗口手勢,斥其「死廢雀」。(連登討論區圖片)

由於真係嬲到死既關係,樓主就對隻鸚鵡舉中指,仲話佢係「死廢雀」。

樓主無左一千蚊,自然嬲到陣,仲話「想殺X咗隻雀」,網民就留言,話樓主可以「今晚拎嚟煲湯」,不過樓主就好理性咁覆,話「如果我敢搞隻雀,我老母實殺咗我,成皮嘢買隻碎紙機返嚟碎銀紙,心都淡埋」。唔少人都同情樓主既遭遇,但同時都覺得「好好笑」,另外都有人提出破壞紙幣係犯法的行為,仲話「拉你隻雀去坐監」!真係唔知好笑完好嬲。

Source: hk01 / LIHKG