母因欠債抱兒子跳橋自殺 – 男童被逼自殺:「我唔想死!」

231

哥倫比亞一名10歲男童,因為畀媽媽抱著雙雙跳橋自殺,喺橋上苦苦哀求媽咪:「唔好跳!」仲拼命掙扎,捉住橋邊鐵杆試圖拯救自己生命,無奈最終因不敵母親力氣,畀媽媽抱著一躍而下,母子倆緊擁共赴黃泉。

32歲嘅母親克魯茲(Jessy Cruz)因為欠債纍纍,積欠大筆債務,被債主趕出門口,走投無路之下佢抱住仔仔,兩個人爬上當地一座離地約100公尺嘅橋上面,準備一了百了。

警消獲報趕到後,與當地居民一齊苦勸佢唔好做傻事,就連仔仔都係咁叫媽媽「唔好跳」「我唔想死住」,仲緊緊抓著橋邊鐵杆,無奈母親死意堅決,母子倆最後係眾目睽睽下,橋上一躍而下,雙雙身亡。

由於男童直到最後一刻都緊抓著鐵杆不肯放手,就連「被迫自殺」嘅表情都係感到絕望、驚恐,多名目睹過程警員同居民都因為無法阻止悲劇當場情緒崩潰,更有人一度哭倒在地,需要他人攙扶。

source: 每日郵報