古天樂獲《香港專業電影攝影學會31週年晚會》最具魅力男演員 – 古仔: 覺得自己好靚仔,應該有精神病要睇醫生食藥

274

古天樂出席《香港專業電影攝影學會31週年晚會》,當晚古天樂同Angelababy獲頒「攝影師眼中最具魅力男、女演員」獎項,「最佳年度大獎」則由「無雙」的關智耀奪得。

對於獲獎古仔表示好開心,多謝學會頒發呢個獎畀他,但講到最有魅力,佢自己就話唔敢當。佢認為有魅力與唔係講緊一個人,係講緊成條team。6、7年前曾諗過做導演,但從前輩口中得知,電影其實以鏡頭講故事,若果要做導演,要拋低演員身份先可以去進修。當比問到10年後會唔會做導演?古仔表示:「無呢個計劃,不過將來電影世界有別於現在的製作模式,會配合好多唔同嘅新科技。」

佢笑言覺得自己最有魅力個陣係喺屋企,因為無人見到,講乜都得。問佢照鏡個陣會唔會覺得自己好靚仔?佢話:「嘩!覺得自己好靚仔,應該有精神病要睇醫生食藥,我講自己咋!但我麻麻地照鏡,屋企都好少鏡,平時拍戲睇playback都成日睇到自己。」對於心目中認為那位演員最有魅力,古仔坦言通過一部電影睇到對方演繹角色所散發的魅力,好少去睇一個人。他說:「如果要我講,『黑武士』最有魅力,不過見唔到樣。」

古仔笑說:「如果唔照鏡就冇用、冇魅力?我覺得不只外表,一個人嘅內心同埋專業精神,都係提升演員魅力秘訣。」

Source: Yahoo!