呢部「錘子手機」一物二用,又可以當電話又可以㓟皮 – 網民:「一物二用幾好阿」

361

 相信大家都好鐘意網購/淘寶啦~有位內地網民早前係「京東」網購了一部牌子叫「錘子手機」(Smartisan)嘅堅果 Pro 手機,不過呢位網民發現這「錘子手機」唔單止可以作為電話之用,而且機身四邊都好鋒利,仲可以用黎批蘋果皮…所以佢要同網友分享吓自己買到部咁正嘅手機!

呢位網民同時上載咗一張自己係京東購物後的評價截圖,指「錘子手機」的玻璃屏幕和金屬接觸部位割手,想申請退貨…..不過客服人員指是:「正常現象,更指手機激活後不能退貨。」

受害者更上傳了一張自己左手貼滿膠布的照片,意指左手多處被「錘子手機」割傷。另外,他亦上傳了一張用手機剝蘋果皮的照片,以證該部手機的鋒利程度。有香港網民在微博上見到此分享,更將其分享至 Facebook 專頁,並配以文字「愛國真的不容易」。

用手機剝蘋果皮的照片,以證該部手機的鋒利程度
受害者在京東購物後的評價截圖

唔少網民見到紛紛LM「一物二用幾好阿」、「內置㓟皮功能」、「 咁先証明到蘋果唔夠國貨嚟」、「見到都痛,但好 X 好笑」、「唔知防唔防水」、「你以為佢係一個電話,其實佢係」、「其實用料唔差,只係做工系統好差,外國都有人講呢部機。鎚子一代」、「強國最叻做假,連個蘋果皮都係假」、「要知道手機現在有多功能需求」、「手機就係追求功能,加入風筒,鬚刨呢啲功能一定大賣」、「防盜嘅野,你識條春咩~」、「食生果好方便」。之不過,同時亦有網民質疑手機是否真的如此鋒利,並留言指「假」、「看圖作文」、「假到呢,左邊傷到貼曬膠布,右邊又毫無傷痕」、「真係有人信割手割到咁?」你又覺得孰真孰假呢?

其實錘子手機是錘子科技公司由 2012 年創辦,主要研發中高端智能手機,採用基於 Android 的  Smartisan OS 操作系統,去年(18 年)5 月曾發佈全球首部有 1TB 容量的旗艦手機 R1 ,售價高達 8,848 人民幣(約 HK$1,0346)。而翻查資料,該位網民所購入的堅果 Pro 手機,則是 2017 年 9 月的產品。

SOURCE:EZONE