連登仔設 「蓮燈討論區」 為銀髮巴絲設「蓮花台」些牙長輩圖

510

日前銀髮族大遊行,搞到一眾連登仔女非常感動,亦不甘落於建制派日日蛇齋餅糉之後,所以有人倡議為銀髮族嘅公公婆婆們搞返個「蓮燈討論區」。網民表示:「班PK建制經常懶關心啲老人家,啲老人好多時孤獨,先會投建制,所以宜家香港老人由香港年輕人來關心!」

自6月以嚟,整個香港都關注於「逃犯條例」,事件不斷地發酵,連帶「連登討論區」都爆紅,被政府以及唔同報章評論都提起多次。「連登討論區」隨之成為「愛國愛港」的基地。 

被連登仔所設計出嘅「蓮燈」有幾大特點,首先銀巴銀絲進入後字體會馬上變大三倍,背景就會變成了蓮花的圖樣,而且蓮燈下面會有每日不同的平安句子。例如:遠離警察暴力 祝願一家平安。

再為各老人開設幾個台,包括名叫「蓮花台」嘅長輩圖台,包括老人家最喜歡有花,佛教,平安,家庭等等,我哋就比依啲野啲老人家,營造一個大家庭咁,老人家覺得網上面有家嘅感覺,有關懷,溫暖同埋長輩圖。

亦要有野餐台,畀志同道合嘅銀巴銀絲一起出動。因為啊婆唔係大曬,係大撚曬,警察打年輕人,好多人冇感覺,但係打中阿婆係無論藍黃絲都唔能夠接受嘅事。所以有銀巴絲,警察會被逼收斂,安全度會上升。

希望以「蓮燈」力量,畀一眾銀髮嘅公公婆婆交流嘅平台,以長輩說服長輩。

一眾連登仔女仲話,「蓮燈」真係落成的話,都要日日擺街站,教老人家使用!憑長者卡仲可以得到user name嘅蓮花認證。