拒演嘉魔娜只因這個原因? 女星:「拒絕一次之後 Marvel就冇再搵過我」

23

Marvel電影猶如係現今電影界嘅神話,自2008年上映嘅《鐵甲奇俠》開始,MCU所推出的電影都是票房的保證,至今已是荷里活最舉足輕重的圈子。不少演員都渴望參演英雄系列電影,因為有個代表自己的英雄對一名演員而言猶如成就解鎖一樣。

女星雅曼達施菲(Amanda Seyfried)近日宣傳新片《The Art of Racing in the Rain》時接受訪問,自爆Marvel Studios曾邀請她出演《銀河守護隊》(Guardians of the Galaxy)中「嘉魔娜」(Gamora)一角,但被她拒絕。

她表示自己拒絕過MCU以後,他們便再也沒有找過她。「我拒絕咗一次之後就冇再搵過我,都幾大件事,但我冇後悔,因為我唔想每年有6個月時間都要變成綠色。佢哋透過超級英雄演繹出美麗嘅故事,而我個女宜家都沉迷超級英雄,所以某程度上我希望自己有接受呢個角色,但另一方面我又覺得,我有自己想過嘅生活,亦唔覺得呢個角色會令我快樂」

原來拒絕的原因只是因為想Keep住自己靚樣,不想以綠色示人。的確,雅曼達施菲的靚樣也很難讓人忽視。而變成嘉魔娜確實不容易,由第一集《銀河守護隊》開始,四度扮演這個角色的素兒莎丹娜(Zoe Saldana),每次拍攝前都要花上5小時化妝,少些耐力都無法克服。