機管局製造旅客與示威者罵戰 – 發放假消息Cancel航班,但航班如常起飛

200

有網民翻查航班記錄發現,機管局對外聲稱已cancel的航班,竟然如常起飛! 琴晚有現場市民證實cancel 航班只係比外邊人睇, 閘內其實一樣照飛。導致旅客同示威者一度發生罵戰。

有網民發起下午在機場集會,機管局早上起實施管制措施。(曾仕銘攝)

點解政府同機管局咁做?

因為機無Cancel 只係乘客上唔到機No-show, 即變成無保險賠。

成件事就明晒。

有網民出PO講返個真相出嚟: (轉至連登)


今日係機場發左一場夢
我同男友正準備去旅行放鬆一下心情
我地一開始checkin成功
去到離境大堂示威者已經封左出境位,入唔到去
當時我地係示威人群外圍,有個機場職員靜雞雞同我講可以帶我地入去,但我地當時拒絕左,佢就離開。
到左六點幾,我地返去airline 問
當時有三個職員都明確表示飛唔到
我問: 咁我應該離開定等下一班機?
佢既建議係離開,同我地講: 「機管局唔俾飛,表示乘客安全最重要,好快出入機場車輛班次會減少,故建議離開。」
但水牌一直都無顯示係取消!!
我地有向職員反映水牌無顯示取消,佢地表示水牌唔update?_?
我地覺得好唔對路,因為機場個網連登機閳口都show 埋. 既然取消,點會有登記閳口?
最後入到去,入面既海關、入境同無人駕駛車運作一切正常!
而且我最後都成功飛到。

成件事係好鬼
第一
機管局職員同我地講,係可以帶我入去
(當時佢係唔知我搭邊間,只知我班機既時間)如果真係好似airline咁講取消,佢點會仲話帶我入去?!既然可以,點解唔光明正大 要鬼鬼祟祟?

第二
airline立場,作為一間搵錢既公司
一定係會想full load咁飛先係最唔蝕錢
所以如果係有方法/ 佢接到通知係飛到的話,佢無可能會同我地講取消左,叫我地離開
到底邊個有權叫airline話取消?

第三
機管局一直唔顯示航班為取消,如果airline講既係真,姐係機管局話唔俾飛…
點解會咁?點解會有咁既分野?(現實上我係飛左, 但又話唔俾飛)
而且無好似琴日咁講,check in左既乘客可以上機,當日既安排好亂。
成件事根本係政府自編自導自演。

示威者(?鬼)封左離境大堂,令到已check in旅客無法進入境內,於是政府指示機管局同airline對外公佈航班已取消。
正常情況下,旅客當然會聽airline既指示而離開
但同時機管局又安排職員帶某啲旅客走 (當然,呢班旅客都唔會知道airline對外宣稱取消,因為佢已經上左機)
咁就順利做出「其實班機係飛到,只係啲示威者阻住旅客,搞到無法上機」既效果


SOURCE: LIHKG