連登巴打:黃絲做啲嘢愈來愈似藍絲 一直都係咁嘅心態好難唔輸

4254

我最憎藍絲嘅一樣嘢係佢地將對自己不利嘅消息當係睇唔到 又或者扭曲咗佢嘅意思 同時將有利佢地嘅消息無限放大

所羅門群同台灣斷交 同中國建交 台灣係國際上又少咗一個承認佢係獨立嘅地方 我見到竟然有人話邦交其實唔重要 建立邦交其實都係睇有冇免簽

咁你打國際戰事嚟做乜呢?你都係想多啲人為你發聲啫 台灣同所羅門群島斷交 台灣就少咗人為佢發聲 你地仲係覺得無問題?點解你地唔肯面對現實呢

係呀 啲黑警好柒 成日跣低 英文又差 又弱智 笑佢無問題 但你對住個手機笑下啲黑警on99係咪就會傷害到個黑警呢?你係咪就會贏呢?唔撚係呀 事實係勇武就得咁多 對方無限兵力 因為佢地可以搵埋武警公安解放軍混入 就算對方幾on9 佢地戰鬥力都係大過我地好多 對於黑警 我地一直都係處於下風

而對於政府 777話動議撤回 你地都識話係動議咋 未撤㗎 美國一放風聲話好大機會通過人權法 好大機會咋 未通過㗎 你地就當自己已經贏咗 中國已經出緊招話唔出口藥物同藥物關鍵材料俾美國 點解無人講呢啲不利消息呢 點解要自己打飛機 美國唔係第一次反口 點解要咁依賴佢地 你係可以信住佢地先 但唔好指望哂佢地 你地自己係咪都可以做啲嘢呢 行動po無哂 淨係見到啲打飛機po 話咩督察移民 又話唔知啲散仔有咩感受 一來無source 二來分分鐘散仔有多咗晉升機會 會有咩感受 然後啲人就狂打飛機話抵啦抵啦condom仔#xx(#mf

你地一日唔肯改變呢個心態 唔肯認清我地根本係處於下風嘅事實 唔肯認清而家個局勢 一味依賴哂人 依賴完勇武又依賴美國 點贏

唔該 香港你有份 自己嘅抗爭自己做 唔好一味靠人 自己屋企附近嘅活動幫手加多兩錢肉緊推

SOURCE:LIHKG