【勇武職業升級】二十號尖沙咀唔係齋行 – 有重要任務比大家

1506

岑子杰今晚搏命幫我哋引咗成村拉風鬼出嚟話要搞南亞人,好彩連登仔都係理性冇中伏

不過守得住連登,星期日大遊行就九成九有鬼扮手足裝修重慶大廈,甚至隔離個清真寺
等我再強調一次:

南亞裔係香港少數族裔,如果搞第二個種族嘅平民同埋店舖,就會帶嚟人權之中最敏感嘅種類仇恨!有人重話要裝修重慶大廈真係ONL79,知唔知重慶大廈唔止南亞人,重有好多非洲人做生意,係全世界種族多元共融嘅標誌?我哋郁少數族裔,美國班議員就無晒道德理由推人權法,一Q清袋!
為咗唔想內鬼破壞大遊行,我哋係要守住重慶大廈同埋九龍清真寺反裝修,一齊升級做聖騎士!

大隻手足可以幫手喺兩個重點攝衫巡邏,和理街坊都可以喺附近舉英文同埋烏都語等紙牌,贏盡國際戰線之餘,話唔定會有義氣南亞街坊篤灰
唔好俾手足四個月以來嘅血白流,我哋要繼續冷靜理性和勇合一,贏到最後煲底見!


以上內容皆為轉發,資料未經確實,只供備份參考。上述內容並不代表本站立場

來源:LIHKG