謝賢初戀女友 嫌四哥太貪玩分手 息影嫁泰國華僑

83

粵語片時代女星嘉玲逝世尋日喺泰國睡夢中逝世,享年87歲。以高貴氣質而備受歡迎嘅嘉玲,60年代末息影,後隨夫婿移居泰國多年。

嘉玲
嘉玲

原名何佩英嘅嘉玲家世非凡,祖父係民國年代嘅駐美國領事,後來因國共內戰舉家遷到香港。1953年,18歲嘅嘉玲考入嶺光公司演員訓練班,獲藝名何嘉玲,並因此而結識四哥謝賢。

1955年,嘉玲同四哥一齊過檔迪華公司,首次拍戲參演《三妻奇案》就成為女主角。之後佢同四哥再次一齊轉投另一間公司光藝製片,並以嘉玲之名拍片,以《九九九命案》(1956)走紅,成為光藝當家花旦。嘉玲從影以來主演作品超過60部,包括《五月雨中花》上、下集(1960)、《追妻記》(1961)、《花花公子》(1964)、《英雄本色》(1967)等。

年青時嘅謝賢